الســلام عليكم .. 
..
أول شي باركوا لي على ستايل المدونة الجديد ,, بعد ما ألح عليّ حسّــومه أغيره لأنه غير واضح , من شان عين تكرم مدينة 
التصميم هذا مكانه و البرامج المستخدمة فيه خارجة عن عادتي ..
المكــان ,, قاعة 115 >> مختبر الحاسب في كلية المطعسين .. في وقت محاضرة ” مقدمة إلى الحاسب ” 
البرنــامج المستخدم : الـــرّســـــام فقط ” بدون أي تعديل من أي برنامج آخر ..
المدة : على ما أذكر انها من 5 إلى 10 دقائق ..~
اضغطـوا على الصورة للتكبير ..~
الأفكــار ما تجي إلا وقت الأشغال 
تحيـــاتــيــ..~
السلام عليكم ~
ياناس , ماني مصدق اني خلصت اختبارات ,, و عديت المقررات اللي كنت خايف منها بنجــاح و بدرجة عالية 
دخلت على مدونـــة دانة الروح “ نقاء ” كعــادتي مع المدونــات الصديقـــة ,, و ان في تدوينة جديدة ,, كانت واجب ممرر لها , و حلته و مررته لكم واحد ,, قعدت أقرأ ,, و أضحك شوي ,, و الا اني أشوف اسمي من اللي مررت لهم الواجب 
…
الواجــــب
قوانين الواجب:
1/ أذكر اسم من طلب منك حل هذا الواجب.
2/ اترك تعليق في مدونة من حولت الواجب عليهم، ليعلموا عن هذا الواجب.
ايه هين بس 
أعرف أسحبهم
3/ أذكر القوانين المتعلقة بهذا الواجب.
مم ,, ما أخبر وصلتني قوانين ,, بس أذكر اللي جاني بس p:
4/ تحدث عن ستة أسرار قد لا يكتشفها من يقابلك للمرة الأولى.
دنــتوا تحرجونـــا يعني 
.. بسم الله ~
- أنـــا إنســـان ما أطلع من البيت كثير ,, بس إذا طلعت ,, مين يردني !
- التسويـــف . . . آفــة أبي عابد المستمرة ,, لو ألقــى حل لها ..
- أخوكم انســان مدمن نت ,, إن ما كان على الكمبيوتر ,, على الجـــوّال ,, مافي مجــال أبد ~
- أحيــانا يقفل الاستقبال و الارســال لفترة , و يصيــر مزاجي في لحظة إلى مزاج سيء جداً ,, إذا كنت في هذي الحالة ,, فممنوع الاقتراب لمسافة 100 قدم < حشا صاير وايت بنزين
- مم في السواقة لي مزااااج غريب جداً .. لازم أشغل الام بي ثري من جوالي حتى لو كان المشوار صغير جداً .. ليه ؟ ما أدري و أحيانا أمشي بسرعة أقل من 20 بخط سرعته القصوى 100 , أو أمشي 180 بخط ضيق !! الله يستر بس !
- أنا إنســان كتوم جداً بطبعي ,, و مـا أريد بعض التحقيقات ,, وش بغيت من المكان الفلاني ,, ربما تصرفه بقولك ” شغلة ” بس ما يقتنع ,, << فتصل معي للحالة الموجودة في الرقم 4 و أكرشه ” يا حبيبي ,, اقلب وجهــك !! “
>> خلصت ؟؟ مدري 
5/ حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
ستة … أجيب اللي أقدر عليه ,,
على الطــلاب التالية أسماؤهم الخروج من الطابـور ,,
أعتقد 2 يكفو ,, 
السلام عليكم و رحمة الله و بركــاته ~
و الله لي فترة ما دونتش حاقة , ممكن عشان الاختبــارات , أو انشغالي بمنتدى المعــالي , و مسابقة قسم الجوال هناك 
تراها تووحفة ,, لا تفوتكم ,,
ايه صح ,, صار لي موقف ” مخجل , مضحك ” في نفس الوقت سببه لي مقرر إنج 103 , و اللي كتابه فوق ,, الموقف , ليلة الأحد , شيكت على الجدول , و أخبر ان عندي اختبــار خوارزميات , ذاكرت ما كتب لي , و الاختبار الساعة 10.30 الصباح , و الله و أول ما أجي الكلية , و ان الشباب يقولوا وينك يا عبدالله ؟ ,, ايش الهرجة , قالوا وينك عن اختبار الانجليزي الساعة 8 ؟ كيييييف ؟ 
فقلت زين , أكلم الدكتور ان شا الله و ماني خايف , لأن علاقتي مع الدكتور كذا لأني الحمد لله انجليزيتي متوسطة قليلاً و كثير مشاركة معه , و محادثتي معه نسبة 80% بالانجليزي , , اختبرت الخوارزميـات , و ذيك الأسئلة اللي الساعتين دوبها كفتها , بعد ما طلعت , رحت أدور الدكتور أنـا و واحد من الشباب الله يعطيه العافية , ما لقيناه , وش الحل ؟ ,, أخذت رقم جوال الدكتور من دكتور باكستاني , و اتصلت عليه , من الربشة , صرت ما أعرف و لا كلمة انجليزي . قالوا اختبرنا الصباح , و الدكتور أخذ رقمك و اتصل عليك ,, ” طبعا العلاقة مع الدكتور كذا
المهم , اتفقت أنــا و إيــاه على يوم الأربعــاء الساعة 10.30 ,, حلو جدا ً , اتصلت على خويي ليلة الأربعــاء > عندي اختبار رياضيات حاسب في نفس اليوم , و أخذت منه الأسئلة اللي اختبروا فيها , و الحمد لله , رحت للكلية و قابلت الدكتور في مكتبه , أعطاني الورقة , و انها نفس الأسئلة , السؤال الأول كان سهل ,, فبديت على طول أكتب فيه , الدكتور أخذ الورقة يتأكد من الاسم و الرقم الاكاديمي , و ان الأوراق كاملة ,, و طبعا شاف النص صفحة اللي كتبتها بأقل من دقيقتين ,, فيوم شافها , أعطاني الورقة و قال لي Enjoy و الحمد لله طبقت الكلمة حرفيــا , فاستمتعت بالاختبار , و الحمد لله درجتي فيه طيبة بإذن الله ,,
و الحمد لله عدت سلامات 
من طبعي ما أتأثر بالأنـاشيد , مهمــا كانت كلماتهــا , لأن أغلب ما يهمني منها هو اللحن الجيّد , بس هذي الأنشودة انتزعت مني بسمة =) ,, و ضحكة على نفسي ,, لأني اليـوم و أنا رايح للكلية شغلتهــا , و هي ” أنا في الروضة ” 
صحيح اني ما دخلت لروضة , بس تذكــرني بأيــام الطفولة و أولى ابتدائي بشكل خــاص ,, ^_^ أيــام الشيخ عدنـان نجم الدين الله يرحمه , يوم كان في أيـام الأسبوع التمهيدي يخلينا نردد وراه , ” لا إله إلا الله , لا إله إلا الله , محمد رسول الله , عليه صلاة الله .. إلى آخر الانشودة الجميلة ” ,,
ما أطول عليكم ,,
من هون ,,
أنــا في الروضة ويا أصحــابي ^_^
لو تدرون المرمطة و التعب اللي حصل عشان آخذ هذي البطاقة ! يمكن ترحموني ,,:(
البطاقة هذي , بطاقة صراف لحساب “راتبي” من بنك الريــاض اللي تتعامل معه كليتنا ” كلية المطعسين ” آسف ,, قصدي المعلمين !
في بداية السنة , كان الصرف يتم عن طريق ” صك الطفران “ p: أو الشيك , طبعاً ما تاخذه بالساهل ,, أول شي , يبغالك تهيئة نفسية عشان الزحمة ذذ , بعدين أنواع الزحمة , بعد ما تاخذ الشيك الموقر , لازم تروح للزحمة الثانية , مكتب العميد , لازم كل شيك يمر على سعادة العميد الموقر :d ,, بعد ما تفتك من زحمتين ” طبعاً لازم تسحب على محاضرة على الأقل “ يبقى زحمة البنك ,, تروح للبنك طبعا مشوار محترم ,, فوق 10 كيلو على بال ما تصل البنك , و اذا ما عكّسوا عليك و قالوا تعال بعد يومين , أو رحموك و قالوا تعال بعد الظهر ,, تمسك سرا مخصص لطلاب الكلية , و تصرف الألف اللي ما بغت تطلع :d ,,
الحال هذا استمر فترة , بعدين رحمونا و صار العميد يوقع كل الشيكات , و ما نضطر نروح له ,,
ثم , في بداية هذا الترم ” تقريبا في بداية شهر 2 هجري ” , طرحوا أوراق لفتح الحساب في بنك الريــاض , و اللي عنده حساب يحط رقمه عندهم عشان يصرفوه عن طريقه , عبيت الأوراق , و سلمتها لهم , و طوّلوا لدرجة اني نسيت الموضوع كله ,, بعدين ,, نزلوا اعلان لأصحاب الحسابات ,, لازم تفتحوا حساب ثاني في البنك , ؟؟؟ ليه ؟؟؟ ,,
في شباب عبوا الأوراق رغم ان عندهم حساب ثاني, و على طول جمدوا الحسابين !! يقولوا في تعارض !! ,, الحمد لله ان حسابي الأول في الراجحي :$ ,,
المهم ,, نزلوا اعلان في بداية هذا الشهر الهجري , تعالوا و خذوا بطايقكم اللي أبلشتونا فيها ,, و طبعاً نزلت فيها المكافأة !
و يافرحة ما تمت 
الأرقام السرية ماهي موجودة !! , قالوا لنا بنجيبها لكم ,, بعدين قالوا خذوها من البنك ,,
الأربعاء , بعد الظهر , رحت للبنك , و آخذ رقم ,, و لطعة نص ساعة ,, يوم وصلت , قالوا الأرقام عند الكلية !! و الله دوختونا 
الى الآن ننتظر الكلية تحن علينا و تعطينا الأرقام السرية ,, و ما أعتقد انها راح تعطينا اياها بدري !!
الصورة هذي من أيـام الشتاء العام المــاضي ,, أعجبتني شجاعة الأولاد و جرأتهم بقربهم من القلاّب !
الله يخلف على أيــام أول بس !! كنّــا مساكين :d
بسم الله الرحمن الرحيم
ها أنا أخطو أول خطواتي في عــالم التدوين , لابد أن يحصل بها بعض التعثر و السقوط في البداية , لكن أطمح أن أستمر في غرفتي و عالمي على النت =)
عبد الله العرادي
الأحد 6\5\1429 هـ
الموافق 11\5\2008
أخــوكم ..
عبد الله بن مبروك العرادي , من تبوك الورد , طـالب بقسم الحاسب الآلي في كلية المعلمين , لي اهتمام بالتقنية بشكل عـام , و خـاصة الجوّال , و التصميم ,
حيّــاكم الله هنــا , , و استروا ما واجهتم
جارِ التعوّد على النظّـــارة الجديدة !
المتواجدون الآن
أحدث التعليقات